RC Mwanza azindua kampeni ya ugawaji Taulo za kike Shule 32 Wilayani Misungwi

Posted on: May 14th, 2022

Mkuu wa Mkoa wa Mwanza Mhe.Mhandisi Robert Gabriel amezindua kampeni ya ugawaji wa Taulo za kike kwa shule za Sekondari 32 Wilayani Misungwi Mkoani Mwanza zenye gharama ya Shilingi Milioni 13.

Mhe.Gabriel amesema kampeni hiyo ni mwafaka kwani inamsaidia msichana kuwa katika hali ya kujiamini anapokuwa katka Hedhi,na kushauri kampeni hiyo ifanyike Wilaya zote za Mkoa wa Mwanza.

."Bado baadhi ya Wasichana wanakabiliwa na tatizo wakati wa Hedhi kiasi cha kuwafanya kushindwa kuhudhuria masomo yao inavyotakiwa nawapongeza kampuni ya Dow Care kwa kitendo hiki"

Mkuu wa Wilaya ya Misungwi Veronica Kessy amesema ugawaji wa Taulo hizo unakuja na matokeo chanya hasa kwa baadhi ya Wasichana walio katika mazingira magumu.

.

Balozi wa Taulo za Kike kutoka kampuni ya Dow Care Zari Tale amesema mpango uliopo mbeleni ni kampeni hii ya ugawaji wa Taulo za kike kufanyika maeneo yote hapa nchini.

Jumla ya Shule 32 za Sekondari za Serikali na baadhi za binafsi na Shule za Msingi zimenufaika na ugawaji huo wa Taulo za kike Wilayani Misungwi.