Mkoa wa Mwanza una Halmashauri za Wilaya tatu sita(6) ambazo ni Geita,Sengerema,Magu,Misungwi,Kwimba,na Ukerewe na Halmashauri ya Jiji la Mwanza inayohudumia wilaya za Nyamagana na Ilemela.
       Halmashauri za Wilaya zinaogozwa`na wenyeviti wa halmashauri na ya Jiji zinaongozwa na Mstahiki Meya, kwa kushirikiana na Wakurugenzi wa Halmashauri husika. Halmashauri za Wilaya za mkoa wa Mwanza pamoja na Halmashauri ya Jiji hutoa huduma za Kiuchumi zikiwepo kilimo, mifugo, misitu, Uvuvi, miuondombinu, huduma za jamii kama afya, maji, elimu, maeneo ya burudani, mazishi, mipango miji, kutunza mazingira, ustawi wa jamii, ushirika na mambo mengine yanayoihusu jamii na Taifa kwa ujumla Utawala bora ni swala linalotekelezwa na halmashauri zote katika nyanja za:

• Demokrasia
• Ushirikishwaji
• Utawala wa sheria
• Uadilifu wa viongozi na wafanyakazi wa Serikali za mitaa

• Uwazi na Uwajibikaji
• Ufanisi katika utendaji kazi
• Mchakato wa kijinsia
• Upangaji mipango
• Ujuzi wa upangaji Mipango kwa kutumia Rasilimali zilizopo

• Utekelezaji wa mipango.

1. Kusimamia na kudumisha amani ulinzi na usalama katika maeneo ya mipaka yake.
2. Kuhamasisha/kuendeleza na kuwapatia huduma bora za kijamii na kiuchumi wananchi walio katika eneo la mipaka ya Halmashauri.
3. Kusimamia sera za maendeleo ya kiuchumi na kijamii katika maeneo yao.
4. Kuchukua hatua madhubuti za kuhifadhi na kuendeleza mazingira.
5. Kusimamia utawala, fedha, mambo yote ya uendeshaji katika ngazi mbalimbali zilizo ndani ya mamlaka ya Halmashauri ya Wilaya/Jiji.
6. Kusimamia na kuhakikisha demokrasia inadumishwa katika jamii.
7. Kukusanya mapato yatakayowezesha mamlaka ya serikali ya mtaa kuendesha shughuli zake pamoja na kutoa taarifa za matumizi kupitia kamati mbalimbali.
8. Kutoa huduma mbalimbali za kiuchumi na kijamii pamoja na kutekeleza shughuli za maendeleo katika maeneo yao.
9. Kuzingatia na kutambua masuala mtambuka kama vile Jinsia (accord due recognition to and, promote, gender awareness).
10. Kuendeleza na kusimamia kanuni za biashara, viwanda, kilimo n.k.
11. Kusimamia na kuendeleza huduma za Afya, Elimu, Maji, Utamaduni na masuala ya burudani katika jamii.
12. Kubuni mikakati ya kupambana na umaskini pamoja na mbinu za kusaidia kuboresha maisha ya vijana, wazee, walemavu n.k.