Kufuatia uamuzi wa Mhe.Rais Dr. Jakaya Mrisho Kikwete kutangaza rasmi kuanzisha mikoa mipya minne na kuwaaapisha wakuu wa mikoa hiyo na Makatibu Tawala wake mikoa hiyo imeanza rasmi kutekeleza majukumu yake kwa Mujibu wa Sheria ya Tawala za mikoa na 19 ya 1997. Kwa Mujibu wa Katibu Tawala wa Mkoa wa Geita Ndugu Severine Kahitwa mkoa huo mpya umejipanga kusimamia maendeleo yatolewayo na Mamlaka za Serikali za Mitaa nne mkoani humo ambazo ni Halmashauri ya Mji wa Geita, Halmashauri za Wilaya za Geita, Chato na Bukombe.Aidha Katibu Tawala Huyo wa Mkoa amebainisha kuwa Ofisi za muda za RS ya Geita ziko Jirani na Halmashauri ya Geita Kwenye Jengo la Rest House na zingine Jengo la Meremeta. Mhe. Kahitwa ameeleza kuwa Ofisi yake inajipanga kuanza na ujenzi wa Ofisi za kudumu za Mkoa na Wakuu wa Wilaya wa Mbogwe na Nyang'wale ,Hospitali ya Mkoa ,Nyumba ya RC na RAS, Nyumba za maDC na za Makatibu tawala wa wilaya mpya za Nyangh'wale na Mbogwe pia watumishi wengine wa Sekretariet ya mkoa. RAS Kahitwa amewaomba wananchi wote wa Mkoa wa Geita Kushirikiana na serikali yao ili kujiletea Maendeleo.
Bonyeza hapa kusoma habari zaidi

Mbio za Mwenge wa uhuru zimezunduliwa kitaifa Mkoani Mbeya tarehe 11 Mei 2012. Mwenge huo unatarajiwa kuzindua miradi mbalimbali ya maendeleo katika wilaya zote 133 Tanzania, kauli mbiu ya mwaka huu ni “sensa na makazi ya watu, maboresho ya katiba, kupambana na rushwa, ukimwi na dawa za kulevya”. Kwa Mujibu wa Afisa Maendeleo ya Vijana Mkoa wa Mwanza Ndugu. Diana Rwechungura Mwengea wa uhuru unatarajiwa kuwa mkoani Mwanza kuanzia tarehe 19-26 Agosti 2012 na utazindua Miradi mbalimbali ya Maendeleo.